27/08/2011 - Briefing ba Tekniku no Assistente Tekniku Operador Sistema

Tekniku operador sistema no asistente tekniku operador sistema nebe STAE rekruta ba programa Aktualizasaun baze dadus no resenseamentu eleitoral, hetan formasaun iha loron 27 to'o 28 iha fulan Juñu 2011, iha salaun formasaun STAE nasional. Formasaun nebe'e maka partisipa husi operador sistema hamutuk nain atus ida tolu nulu (130) husi sub-distritu 65 iha teritoriu tomak.

Formasaun ne'e loke ho diskursu husi ministru administra- saun estatal no ordenamentu teritoriu, Arcânjelo Leite, nebe hateten katak, servisu operador sistema hanesan servisu nebe maka importante ba eleisaun tamba ida ne'e hanesan parte ida hodi bele rezistu eleitores sira atu bele hetan kartaun eleitoral no hodi aktualiza lista eleitores bainhira fo sira nia votu iha loron eleisaun.

Objektivu husi formasaun ne'e hodi fo koñesimentu ba iha operador sistema sira kona-ba kriteria no regulamentu nebe persiza kumpri antes atu fo kartaun eleitoral ba eleitores ida no kriteria hirak maka eleitores ne'e tenki iha hodi hetan kartaun eleitoral.

Nune'e iha parte seluk mos operador sira ne'e tenki iha koñesimentu ba iha baze dadus no sistema elektroniku nebe'e STAE uza hodi produz kartaun refere. iha loron ikus hafoin atu remata formasaun ida ne'e iha mos formasaun kona-ba oinsa utiliza Jerador hodi fasilita servisu Tekniku operador sistema no asistente tekniku operador sistema sira nian bainhira hala'o servisu iha fatin nebe'e maka lá asesu elektrisidade.