21/08/2011 - STAE Hala'o Enkontru Ho Komunidade Hodi Informa Kona-ba ABD no Resenseamentu Eleitoral Nune'e Hala'o Mos Dokumentasaun Kona-ba Prosesu Eleitoral

Ministériu Administrasaun Estatal no Ordenamento Territóriu (MAEOT), Secretariado Técnico Administrasaun Eleitoral (STAE) ho Televisaun Timor-Leste (TVTL). Servisu hamutuk hodi desidi hala'o dokumentasaun ida kona-ba prosesu eleito- ral nebe'e ho topiku" STAE ho CNE prontu lori povu ba eleisaun jeral 2012" nebe'e sei hala'o iha parte programa TVTL.

Filmazem ba dokumentasaun ne'e hala'o iha aldeia Hatukonan, suku Lakumesak, sub-distritu Lacló, distritu Manatuto, iha loron 21 fulan Juñu 2011. Making of ida ne'e hala'o durante reuniaun ho komunidade nebe'e prezidi husi ministru Administrasaun Estatal no Ordenamentu Territóriu, Arcângelo Leite, Director-Geral STAE, Tomás Cabral, Administrador distrito Manatuto, Elviro Bonaparte, nebe'e marka mos prezensa husi administradores Sub distrito nain lima nebe ezisti iha Manatuto, xefi suku, komandante PNTL distritu ho sub-distritu, Funsionarius STAE, konselheirus STAE no UNEST, ho mos assessora Governasaun Lokal UNPOL ninian. Iha ninia diskursu Ministru Administrasaun Estatal no Ordenamentu Territóriu (MAEOT) apela ba iha partisipantes barak nebe'e maka hanesan eleitores, liu-liu ba partisipasaun feto no joven,atu bele partisipa iha eleisaun jeral 2012 mai tamba ita ninia votu ida, bele desidi futuru rai ida ne'e. Director jeral STAE refere katak periodu foun ba realiza aktualizasaun base dadus no resensementu eleitoral nebe'e sei hala'o iha loron 01 fulan Jullu to'o iha 15 Dezembru 2011 ne'e persiza atu informa ba iha sidadaun Timor hotu-hotu tamba oportunidade foun ne'e bele rezistu ema hotu-hotu, liu-liu ba iha eleitores foun feto no jovem nebe'e kompleta ona tinan sanulu resin hitu (17) to iha loron eleisaun.

Ba eleitores hirak nebe'e maka iha ona kartaun eleitoral bele verifika sira nia dadus nebe lálos ou la aktualizadus, hane- san naran, sexu, loron moris, hela fatin, nune eleitores nebe maka kartaun eleitoral lakon, Tamba tuir lei eleitoral nebe'e promulga ona katak kada eleitores sei vota iha fatin nebe maka eleitores rejistu ba, nune'e mos Director jeral STAE, husu atu informa ba ofisiais STAE sekarik familia ruma mate, nune'e bele mantein lista eleitores no aktualiza nafatin hodi determina operasionalidade kartaun refere.

Tomás Cabral aproveita nafatin hodi informa ba partisipantes sira kona- ba faze foun husi resensiamentu eleitoral nebe sei halo rejistu mos ba Timor- oan nebe maka hela iha rai liur, nune'e hodi fo oportunidade ba sidadaun Timor hotu-hotu nebe hela iha estranzeiru atu bele partisipa iha eleisaun jeral 2012.

Programa ida ne'e sei transmiti husi TVTL iha siklu nasional, loron 10 fulan Setembru 2011,iha oras 19.00 iha canal TVTL.