15/08/2011 - Implementasaun Kalendariu STAE ba Eleisaun 2012

STAE oras ne'e dadauk implementa ona kalendariu eleitoral nebe'e maka aprova husi CNE iha fulan hirak liu ba, nune'e iha loron 15 Juñu 2011, Director Jeral STAE, Tomás do Rosario Cabral nebe'e akompañadu husi Xefi gabinete Director Jeral STAE, Maria Gorreti Belo, partisipa iha Enkontru kona-ba situasaun aktual husi STAE-PNTL, nebe'e maka organiza husi komando jeral PNTL iha salaun enkontru komando jeral Caicoli- Dili.

Objektivu husi enkontru ne'e atu hodi hatene infor- masaun husi STAE kona-ba implementasaun kalenda- riu eleitoral STAE ninian nebe'e relasiona ho apoiu PNTL iha eleisaun jeral 2012, nune'e enkontru ne'e partisipa mos husi komando polisia distrital 13, komando polisia sub-distritu 65 no mos komandantes husi polisia UNPOL sira.

Enkontru ne'e loke ho diskursu husi Komisariu Jeral PNTL, Longinhos Monteiro, nebe'e hateten katak, PNTL prontu atu fo apoiu hodi asegura prosesu elei- saun jeral 2012, no PNTL mos iha ona planu hodi monta membru PNTL sira iha centru votasaun nebe'e maka STAE identifika ona iha planu operasional nebe'e PNTL simu husi STAE, nune'e bele asegura eleisaun ne'e la'o ho hakmatek. Iha enkontru ne'e iha mos aprezentasaun husi Director jeral STAE kona -ba implementasaun kalendariu eleitoral no mos kona-ba aktividade ABD no Resenseamentu eleitoral nebe maka hanesan parte preparasaun ida ba iha eleisaun jeral 2012. Tuir Director jeral STAE, aktivi- dade ABD no Resenseamentu eleitoral hala'o iha loron 01 fulan Jullu to'o iha loron 15 fulan Dezem- bru tinan ida ne'e.

Objektivu husi aktividade ne'e atu bele rejistu eleitores foun sira, no mos atu fo opourtunidade ba iha eleitores nebe'e maka kartaun eleitoral iha ona maibe persiza atu aktualiza fali dadus ruma iha kar- taun eleitoral, nune STAE bele hatene eleitores hirak maka iha Timor-leste hodi bele vota iha elei- saun tinan oin mai.

Hafoin atu remata enkontru ida ne'e Director jeral STAE mos husu ba parte PNTL atu bele servisu hamu- tuk ho STAE hodi bele identifika ema hirak nebe'e maka kartaun eleitoral dupla nune'e labele fo impaktu ba iha eleisaun jeral 2012.