24/08/2011 - Tomada de posse Director Geral STAE no adjuntu Director Geral STAE

Iha loron 24 fulan Juñu 2011, hala'o serimonia ofisial Toma- da de Posse ba Directores jeral no administrador distri- tu, hamutuk sanulu resin nén (16), nebe'e inklui mos Direc- tor jeral STAE, Tomás do Rosário Cabral ho Adjuntu director geral STAE, Elviro Fernandes Moniz, nebe'e hola fatin iha salaun Grafika nasio- nal-Dili. Serimoniu ida ne'e marka mos prezensa husi Vise primeriu ministru, Jose Luis Guterres, Ministru administra- saun estatal no ordenamentu teritoriu, Arcânjelo Leite, komisariu Abel Ximenes ho komisaria Isabel Da Costa Ferreira husi funsaun publiku, Directores nasionais no dis- tritais husi ministeriu relevantes, no mos asesores no funsionarius husi diresaun hotu-hotu nebe maka ezisti iha ministeriu Estatal.

Serimonia ne'e hahu ho compremisio de honra husi empossadus sira no mos assina posse hafoin kontinua ho diskursu husi Ministru Arcânjelo Leite, nebe'e apela ba iha empossadus sira katak tomada de posse ida ne'e hala'o hodi bele hakman servisu iha kada dirasaun no distritu, tamba ida ne'e la'os servisu kaman maibe servisu todan ida, no ba director jeral STAE katak eleisaun jeral besik dadauk nune'e iha loron 01 fulan Jullu tinan ida ne'e mos STAE sei hala'o aktu eleitoral nebe'e hanaran aktualizasaun base dadus no resenseamentu eleitoral, nune'e fiar katak aktu eleito- ral ida ne'e bele la'o ho diak. Iha tempu seluk hato'o mos diskursu husi Vise prime- riu ministru, nebe'e hateten katak, professionalizmu no dedikasaun husi funsiona- rius estadu sira maka bele hari estadu nebe'e forte hodi bele servi ninia povo, nune'e husu ba funsionarius estadu sira atu bele hatudu sira nia profesionalizmu no kapasidade nebe'e iha hodi servi povu.

Hafoin atu remata serimonia hala'o mos zantar komfraternizasaun husi empossadus no konvidadus sira hotu.