18/08/2011 - STAE, CNE no PNTL hala'o sorumutu ho komunidade Sub-Distrito Dom-Aleixo Comoro

Atu hasa'e diak liu tan kuñesementu komunidade nian kona ba oinsa lalaok demokrasia iha moris loron-loron komunidade nian, Nune'e iha loron 18 fulan Agosto 2011. Sub-Distrito Dom Aleixo servisu hamutuk ho UNMIT hodi hala'o sorumutu ida ho komunidade, kona ba "Papel PNTL, CNE no STAE ba preparasaun Eleisaun Jeral 2012" nebe'e sei mai, iha Edifisiu Administrasaun Sub Distrito Dom Aleixo, Comoro, Dili.

Iha sorumutu ne'e partisipa husi Administrador Sub-Distrito Dom Aleixo , Luis Mota, Komisaria CNE, Manuela Pereira Leong, Asistente Inspetor PNTL Esquadra Comoro, Jose Pinto, Koordenador STAE Distrito Dili, Agostinho Gomes no lideransa komunitaria Sub-Distrito Dom Aleixo tomak.

Iha oportunidade ne'e Koordenador Distrito Dili, Agostinho Gomes nebe'e sai hanesan orador informa ba lideransa komunitaria Dom Aleixo tomak katak oras ne'e daudaun STAE loke fali ona Resenseamentu Eleitoral no Aktualizasaun Base Dados (ABD), hahu husi lotron 1 fulan jullu 2011 to'o loron 15 fulan Dezembru 2011.

Sr. Agostinho informa mos kona ba Dokumentus nebe'e presija atu halo Resenseamentu no Aktualizasaun Baze de Dados.