06/05/2011 - Koordenadora STAE Distritu Ermera hala'o enkontru ho Autoridades Lokais Distritu Ermera

Iha loron 06 fulan Maiu 2011, koordenadora STAE distritu Ermera, Romenia Perreira hala'o reuniaun ida iha eskritoriu STAE distritu Ermera iha Gleno, ho autoridades lokais distritu Ermera ho abjectivu diskute kona-ba planu operasional ba eleisaun 2012 no mos programa aktualizasaun Base de Dadus (ABD) no resenseamentu eleitoral nebe'e sei hala'o iha inisiu fulan Julhu tinan ida ne'e.

Iha enkontru ne'ekonta ho partisipasaun autoridades distritu Ermera hanesan, komandante polisia Distritu, Administrador Distritu, reprezentante veteranus, administrador sub-distritu ho komandante polisia sub-distritu sira no mos funsionariu STAE Distritu Ermera.

Tuir koordenadora STAE Distritu Ermera, Romenia M. Perreira katak enkontru ne'e hala'o ho objectivu hodi fo hatene ba iha autoridades lokais sira kona-ba preparasaun ba eleisaun geral 2012 iha Distritu Ermera no fo sai mos planu operasional ba eleisaun 2012 distritu ermera ninian atu bele tau hamutuk kona-ba centru votasaun, nebe'e la asesu estrada, elektrisidade, linha komunikasaun, nune'e labele fo impaktu ba iha eleisaun jeral tinan oin mai.

Iha fatin hanesan nia mos kordenadora STAE Distritu Ermera aprouveita ouportunidade ne'e hodi aprezenta ba iha autoridades lokais sira, kandidatu operador sistema no assistente tekniku nebe'e maka liu ona iha ezame no sei koloka ba iha kada sub distritu idak-idak hodi hala'o servisu iha prosesu Actualisação Base de Dadus (ABD) nebe'e sei hala'o iha loron 01 fulan Julho to'o iha Loron 31 Dezembro 2011.