01/07/2010 - Lansamento ba Folletu Partisipasaun Feto iha Eleisaun Lideransa Komunitária 2009 no apresentasaun ofisial Resultadu Resenseamento Eleitoral 2010

Serimónia lansamento ba Folletu Partisipasaun Feto iha Eleisaun ba Lideransa Komunitária 2009 no apresentasaun ofisial konaba resultadu ikus Resenseamentu Eleitoral 2010 sei hala´o iha Sala Konferénsia Hotel Timor, iha dia 5 Julho horas 08:30.

Sei partisipa iha serimonia ne´e maka S.Exa, Presidente República Democrática Timor-Leste, Sr. Dr. Ramos Horta; Representante Espesial Secretáriu Jeral ONU nian ba Timor-Leste, Sra. Ameerah Haq; Ministru Administrasaun Estatál no Ordenamento Territóriu, Sr. Arcângelo Leite no Diretor Sekretariadu Tékniku ba Administrasaun Eleitorál (STAE), Sr. Tomás Cabral.

Publikasaun ida ne´e ho objetivu atu toma atensaun ba partisipasaun feto iha prosesu eleitoral 2009 - sira ne´ebé hanesan kandidatu, votante no funsionário iha Orgaun Administrasaun Eleitorál nian. Publikasaun ne´e mos dezeñu atu fo korajen ba feto-maluk sira atu partisipa iha aktividade tomada desizaun futuru nian.

Baseia ba Lei Eleitoral ba Lideransa Komunitária, iha kontestu Eleisaun ba Lideransa Komunitária 2009, prepara kadeira ba feto no joven sira iha Konsellu Suku. Lei ida ne´e haktuir katak Konsellu Suku ida-idak tenke rezerva kadeira rua (2) ba feto no rua (2) ba joven, ne´ebé kompostu husi feto ida no mane ida. Pozisaun Xefe Suku, Xefe Aldeia no Ansiaun (ferik ka katuas) sira bele konkorre mezmu mane ka feto.

Komparasaun ba partisipasaun feto iha Eleisaun ba Lideransa Komunitária 2004/05 no 2009, númeru feto ne´ebé kandidata ba Konsellu Suku aumenta, maibe tot´l númeru eleitu sei kontinua menus. Husi total 442 Xefe Suku iha Timor-Leste, iha deit feto na´in 10 maka eleitu, representa 2% husi numeru total. Husi total 4,877 numeru Konsellu Suku eleitu, numeru feto eleitu representa 28% enquanto numeru mane eleitu 72%.

Antes eleisaun, STAE no CNE (Commissaun Nasional ba Eleisaun), liuhusi apoiu UNEST hala´o no dezenvolve ona kampaña edukasaun votante/siviku nian hodi atai papél feto nian iha prosesu eleisaun-nia laran atu bele sai nu´udar kandidatu no votante. Iha kampañoa ida-ne´e inklui mos material sira hanesan: posters, broxura, publikasaun husi jornál, banners, avizu husi rádiu no TV, enkontru ho komunidade sira no pakote informasaun nian ba kandidatu no komunidade.

Eventu ida dia 5 Jullo mos sei inklui apresentasaun ofisial ba Resultadu Ikus Resenseamentu Eleitoral 2010. Prosesu ida-ne´e komesa la´o ona iha Janeiro no remata iha dia 1 Jullo 2010 no kobre 13 distrito hotu iha nasaun laran. Objetivu maka atu hato´o aktualizasaun ba base de dados, atu rejistu votante elijivel foun, troka kartaun eleitoral tuan ho kartaun foun no substitusaun/troka kartaun ba sira ne´ebé ninia kartaun lakon ou aat. Prosesu kompletu organiza husi STAE, monitoriza husi CNE, hetan apoiu husi UNEST, no hetan garantia seguransa husi PNTL/UNPOL.

Clica iha ne´e ba halo download convite.